- Mae’r UK Ganolfan Ecoleg a Hydroleg ond yn defnyddio anifeiliaid os nad oes unrhyw ddewis amgen priodol, ac ond mewn ymchwil er budd cadwraeth ac iechyd yr amgylchedd. Mae’r holl waith o’r fath yn cael ei wneud o dan drwyddedau a gyhoeddir gan yr Ysgrifennydd Cartref ar ôl pwyso a mesur ei fuddion posibl yn erbyn yr effaith ar yr anifeiliaid perthnasol. Mae’r UKCEH wedi ymrwymo i egwyddorion lleihau, gwella a disodli, ac i ddiwylliant o ofal a pharch tuag at les anifeiliaid.
- Ar bob prosiect mae’n sicrhau bod nifer yr anifeiliaid a ddefnyddir mor isel â phosibl a bod gweithdrefnau, arferion gofal a hwsmonaeth yn cael eu mireinio er mwyn gwella lles i’r eithaf. Mae’r UKCEH wedi ymrwymo i ddatblygu a defnyddio dewis amgen i anifeiliaid fel meithriniad meinweoedd a thechnoleg foleciwlaidd; defnyddir dulliau o’r fath lle bynnag y bo’n bosibl.
- Mae proses adolygu moesegol UKCEH yn cynnwys cynrychiolaeth allanol a mewnol. Mae’n rhoi cyngor moesegol ar safonau gofal, lles a llety anifeiliaid ac mae’n sicrhau bod y rheiny sy’n gweithio gydag anifeiliaid yn ymwybodol o’u cyfrifoldebau a’u bod yn cael hyfforddiant priodol. Mae staff milfeddygol a gofal anifeiliaid yn rhan weithredol o adolygiad moesegol yr ymchwil, lles a gofal anifeiliaid ac yn rhoi cyngor a chefnogaeth barhaus i ymchwilwyr lle bo angen.
Available translations: English